वाल्मिकी विकास महामंडळातील कोट्यवधी रुपयांच्या घोटाळ्यात सहभागी असलेले राजकारणी आणि अधिकारी यांच्या तात्काळ राजीनाम्याच्या मागणीसाठी कर्नाटक अनुसूचित जमाती वाल्मिकी राज्य युवक संघातर्फे आज बेळगाव मध्ये आंदोलन करण्यात आले.

कर्नाटक अनुसूचित जमाती वाल्मिकी राज्य युवा संघाच्या पदाधिकारी व कार्यकर्त्यांनी कित्तूर राणी चन्नम्मा चौकात वाल्मिकी विकास महामंडळातील भ्रष्टाचाराचा निषेध करत घोषणाबाजी करत आंदोलन करण्यात आले.

वाल्मिकी समाजाच्या विकासासाठी स्थापन करण्यात आलेल्या महामंडळाचे 187 कोटी अनुदानाचे पैसे विविध राज्यातील शेतकऱ्यांच्या खात्यावर वर्ग करण्यात आले आहेत. सार्वत्रिक भ्रष्टाचार असूनही समाजाचे स्वामीजी, समाजातील लोकांच्या मतांनी निवडून आलेले लोकप्रतिनिधी मौनव्रत स्वीकारल्याप्रमाणे शांत आहेत. या घोटाळ्याविरोधात कोणीही आवाज उठवत नाही. लोकप्रतिनिधी व अधिकाऱ्यांनी आपली जबाबदारी पार पाडली नाही तर त्यांनी तात्काळ राजीनामा द्यावा. या घोटाळ्याची सीबीआय चौकशी करावी, अशी मागणी संघटनेचे नेते महेश शिगीहळ्ळी यांनी केली.

आंबेडकर निगम असो वा वाल्मिकी निगम, केवळ ३० टक्के योजना अंमलात आणल्या जातात आणि त्यात ५ टक्के भ्रष्टाचार होतो. जात गणनेनुसार योजनांच्या लाभार्थ्यांची संख्या वाढली पाहिजे. योजनेचा लाभ घेण्यासाठी 2 ते 3 वर्षे भटकंती करावी लागते. त्यामुळे अंमलबजावणीच्या वर्षातच तो लाभार्थ्यांना उपलब्ध करून द्यावा, अशी मागणी त्यांनी केली.

राणी चन्नम्मा सर्कल येथून निघालेल्या निषेध रॅलीची सांगता जिल्हाधिकारी कार्यालयावर पोहोचून जिल्हाधिकाऱ्यांमार्फत शासनाला निवेदन झाली. यावेळी मल्लेश मुळगसी, रामा पुजारी, लगमन्ना होन्नंगी, भीमन्ना गन्नीकोप्प, मंजू तलवार यांच्यासह कर्नाटक अनुसूचित जमाती वाल्मिकी राज्य युवा संघाचे पदाधिकारी व कार्यकर्ते मोठ्या संख्येने सहभागी झाले होते