सरकारने राणी चन्नम्मा यांचे लिंगैक्य स्थान, जन्मस्थान आणि संस्थानाचा गांभीर्याने विचार करून ही तिन्ही ठिकाणे राष्ट्रीय स्मारक करण्यासाठी प्रयत्न करावेत, अशी सूचना कुडलसंगम पंचमसाली पीठाचे जगद्गुरु बसव जय मृत्युंजय स्वामीजी यांनी केली.

पंचमसाली पीठाचे जगद्गुरू बसव जय मृत्युंजय स्वामीजी यांनी वीरराणी कित्तुरु चेन्नम्मा यांच्या 195 व्या स्मृतिदिनानिमित्त वीरराणी कित्तुरु चेन्नम्मा यांचे जन्मस्थान काकती येथे चेन्नम्माला पूजन करून लिंगैक्य ज्योती यात्रेला चालना दिली.  यावेळी बोलताना बसव जय मृत्युंजय स्वामीजी म्हणाले की, सरकारने चन्नम्मा यांचा स्मृतिदिन राज्यभरात दरवर्षी उत्सव म्हणून साजरा करून त्यांना आदरांजली वाहिली पाहिजे. देशाच्या स्वातंत्र्यासाठी लढताना आपल्या प्राणांची आहुती देणाऱ्या वीरांचे स्मरण करणे हे प्रत्येकाचे प्रथम कर्तव्य आहे. यातून तरुणांमध्ये राष्ट्रवाद आणि देशभक्ती बळावेल, असे ते म्हणाले.

सरकारने आपली इच्छाशक्ती दाखवून चन्नम्मा यांच्या जन्मस्थानाच्या खुणा शोधण्यासाठी संशोधन समिती स्थापन करण्याची मागणी केली. चन्नम्मा यांचे जन्मस्थान, लिंगैक्य स्थळ आज त्या-त्या प्रदेशापुरते मर्यादित असल्याची चिंता व्यक्त करून ते म्हणाले की, राष्ट्रीय स्मारक म्हणून त्याचा आंतरराष्ट्रीय स्तरावर प्रसार झाला पाहिजे. याबाबत आपण कोणत्याही संघर्षाला तयार असल्याचे त्यांनी जाहीर केले.
माजी विधानपरिषद सदस्य महांतेश कवटगीमठ म्हणाले की, कित्तूर राणी चेन्नम्मा या देशाने पाहिलेल्या शूर नेत्या होत्या, चेन्नम्मा ज्योती श्री बसव जय मृत्युंजय स्वामीजी यांच्या नेतृत्वाखाली सुरू करण्यात आली होती जी संघर्षातून राज्यात प्रसिद्ध झाली.

माजी आमदार डॉ.विश्वनाथ पाटील, लिंगायत पंचमसाली समुदाय तालुका अध्यक्ष श्रीशैल बोळन्नवर, माजी आमदार एच. एस. शिवशंकर, केपीसीसी सदस्या रोहिणी पाटील, मंत्री विनय कुलकर्णी यांच्या पत्नी शिवलीला कुलकर्णी, राजू जनमट्टी, बी. एस. मुरुगे, बी.एस. गौडा, एफ. एस. सिद्दनगौडा, जिल्हाध्यक्ष आर. के. पाटील, निंगाप्पा पिरोजी, गोकाकचे काँग्रेस नेते डॉ. महांतेश कडाडी, महांतेश पाटील, कार्तिक पाटील आदी यावेळी उपस्थित होते.