बेळगाव शहरातील विविध भागात रस्त्यावर उभ्या केलेल्या दुचाकी चोरणाऱ्या आरोपीला एपीएमसी पोलिसांनी अटक केली आहे.

बैलहोंगल तालुक्यातील तुरकर शिगीहळ्ळी गावातील विठ्ठल अरेर याला एपीएमसी पोलिसांनी मोटरसायकल चोरीच्या आरोपाखाली अटक केली आहे. रुग्णालयाच्या रस्त्याच्या कडेला उभ्या केलेल्या दुचाकी चोरीच्या गुन्ह्यांचा तपास करताना पोलिसांनी त्याला अटक केली.

त्याच्याकडून 3.35 लाख रुपये किमतीच्या 13 दुचाकी जप्त करण्यात आल्या आहेत. सीपीआय विश्वनाथ कब्बूर यांच्या नेतृत्वाखालील पथकाने एसीपी सदाशिव कट्टीमणी यांच्या मार्गदर्शनाखाली ही कारवाई केली.