मुख्यमंत्री सिद्धरामय्या कुक्कर यांनी विधानसभा निवडणुकीदरम्यान वरुणा मतदारसंघातील मतदारांना इस्त्री वाटल्याची तक्रार आरटीआय कार्यकर्ते भीमप्पा गडाद यांनी केंद्रीय निवडणूक आयोगाकडे केली आहे.

याबाबत भीमाप्पा गडाद यांनी बेळगावात कन्नड साहित्य भवनात आज पत्रकार परिषद घेऊन ही माहिती दिली. सिद्धरामय्या यांच्या विरोधात राज्य निवडणूक आयोगाकडे तक्रार करूनही कोणतीही कारवाई केली जात नाही. मी राज्याच्या मुख्य निवडणूक अधिकाऱ्यांकडे कारवाईची मागणी केली आहे. तरीही राज्य निवडणूक आयोग कोणतीही कारवाई करत नाही, ‘तक्रारीबाबत भारतीय निवडणूक आयोगाचे मार्गदर्शन मागवले आहे’, असे लेखी उत्तर दिले आहे.

माजी आमदार यतींद्र यांनी वडील सिद्धरामय्या हे वरुणा मतदारसंघात इस्त्र्या आणि कुकरचे वाटप केल्यामुळेच विजयी झाल्याचे एका भाषणात म्हटले आहे. या भाषणाचा व्हिडिओ व्हायरल झाला आहे. त्याच्या आधारे सिद्दरामय्या यांच्यावर कारवाई करावी अशी मागणी गडाद यांनी केली. 21 सप्टेंबर रोजी राज्य निवडणूक आयोगाला पत्र लिहिले आणि 4 ऑक्टोबर रोजी तक्रार अर्जाबाबत भारत निवडणूक आयोगाचे मार्गदर्शन मागितले असल्याचे लेखी उत्तर दिले आहे.

त्यामुळे मी केंद्रीय निवडणूक आयोगाकडे ई-मेल आणि पोस्टद्वारे तक्रार केली आहे, असे गडाद यांनी सांगितले. बाइट
एकंदर, आरटीआय कार्यकर्ते भीमप्पा गडाद यांनी कर्नाटकचे मुख्यमंत्री सिद्धरामय्या यांच्याविरोधात केलेल्या तक्रारींवर राज्य निवडणूक आयोग काय कायदेशीर कारवाई करते हे पाहणे कुतूहलाचे ठरेल.