माजी सैनिक संघटनेचे अध्यक्ष बसप्पा तळवार यांच्या विरोधात बेळगावात दलित संघटनांच्या महासंघाने निदर्शने केली.

बेळगाव येथे माजी सैनिक संघटनेचे अध्यक्ष बसाप्पा तळवार यांच्या विरोधात विविध दलित संघटनांनी जिल्हाधिकारी आवारात निदर्शने करून बसाप्पा तळवार यांच्यावर ऍट्रॉसिटीचा गुन्हा दाखल करण्याची मागणी जिल्हाधिकाऱ्यांना केली. फ्लो
जिल्हाधिकार्‍यांना निवेदन दिल्यानंतर प्रसारमाध्यमांशी बोलताना महादेव तळवार यांनी सांगितले की, बसाप्पा तळवार यांनी २१ नोव्हेंबर रोजी माजी सैनिकांना बोलावून घेऊन लक्ष्मीटेक येथील रहिवासी संतोष शिरगावकर व मेत्री कुटुंबीयांना धमकावले. एका जागेच्या प्रकरणावरून ते या कुटुंबाना त्रास देत आहेत. त्यामुळे बसप्पा तळवार यांच्यावर ऍट्रॉसिटीचा गुन्हा दाखल करावा, अशी मागणी महादेव तळवार यांनी केली.

मल्लेश चौगुले यांनी बोलताना, कोणत्याही घटनेत संतोषचा थेट सहभाग नसूनही तो शासकीय सेवेत असल्याचे पाहून खोटी करणे लिहून शासकीय कर्मचारी असलेल्या संतोषला त्रास देण्यात येत आहे. बसप्पा तळवार यांना ऍट्रॉसिटी समितीच्या सदस्य पदावरून बडतर्फ करून त्यांच्यावर मानहानीचा खटला दाखल करावा. बसप्पा तळवार आणि मन्निकेरी, अशोक टोमरे यांच्यावर फौजदारी गुन्हा दाखल करावा, अशी मागणी त्यांनी केली.

संतोष शिरगावकर यांच्या पत्नीने सांगितले की, आमच्या कुटुंबीयांवर नाहक खोटे आरोप करत आहेत. माझ्या पतीला याचा खूप त्रास होत आहे. आमचे काही बरेवाईट झाल्यास त्याला बसप्पा तळवार जबाबदार असेल, कृपया आम्हाला न्याय द्या, अशी मागणी केली.

आंदोलनात महादेव तळवार, मल्लेश चौगुले, रमेश गाडीवड्डर, राम चव्हाण, सागर कोलकार, आर. बी. राठोड, अनिल कांबळे आदी दलित नेते उपस्थित होते.