विशेष मुले ही दयाळू देवाची लेकरे, तुमच्या उज्ज्वल भविष्यासाठी सरकार कटिबद्ध आहे, आईप्रमाणे मी तुमच्या पाठीशी उभी राहीन अशी ग्वाही महिला व बालकल्याण, दिव्यांग सक्षमीकरण आणि ज्येष्ठ नागरिक सबलीकरण मंत्री लक्ष्मी हेब्बाळकर यांनी सांगितले.

बुधवारी बेळगावात पॅरालिम्पिक स्पर्धेचे उद्घाटन करताना मंत्री लक्ष्मी हेब्बाळकर बोलत होत्या. दिव्यांग व्यक्ती कोणत्याही बाबतीत मागे राहू नयेत यासाठी विभाग सतत आपल्यासोबत कार्यरत आहे. विभागाकडून सर्व सुविधा पुरविल्या जातील. तुमच्याशी संबंधित कोणतीही समस्या 24 तासांच्या आत सोडवण्याची सूचना अधिकाऱ्यांना दिली आहे, तसेच या विशेष मुलांच्या भविष्यासाठी काम करणाऱ्या सर्व शिक्षकांचे आभार मानू इच्छिते.

यावेळी युवा सक्षमीकरण व क्रीडा विभागाचे उपसंचालक श्रीनिवास, महिला व बालकल्याण विभागाचे उपसंचालक नागराज, अपंग व्यक्ती विभागाचे कल्याण अधिकारी नामदेव बिलकर, युवराज कदम, शंकरगौडा पाटील, विशेष गरजा असलेल्या मुलांच्या शाळांचे कर्मचारी व विशेष मुले उपस्थित होती.