कुंदानगरी बेळगावातील सदाशिव नगर येथील गौरी महिला मंडळातर्फे विशेष बालदिन साजरा करण्यात आला.

बेळगाव येथील सदाशिवनगर येथील गौरी महिला मंडळाने बालदिन मोठ्या उत्साहात साजरा केला. यावेळी सदाशिवनगर कन्नड शाळेतील सर्व मुलांना एकत्र जमवून आनंदोत्सव साजरा करण्यात आला. लहान मुलांनी महापुरुषांची वेशभूषा करून त्यांचे स्मरण करून त्यांना अभिवादन केले. यावेळी कोणी चाचा नेहरू यांची तर कोणी स्वातंत्र्यवीरांची वेशभूषा करून व्यक्तिमत्व सादरीकरण केले.

महिला मंडळांच्या स्थापनेनंतर महिलांचे शोषण कमी झाले, गौरी महिला मंडळाने आमच्या सरकारी शाळेत बालदिन साजरा करून मुलांना उत्तेजन दिले याचा आनंद असल्याचे शाळेतील शिक्षिका म्हणाल्या.

या कार्यक्रमाला गौरी महिला मंडळाच्या अध्यक्षा जयश्री कराडकर, उपाध्यक्षा प्रेमा एतीनमणी, सचिव सुजाता गोकाक, डॉ. शिल्पा वागराळी, ऍड. सविता पाटील, धनश्री कुलकर्णी, श्रीदेवी यादवाड आदी उपस्थित होते.