गेल्या 10 तारखेला विजयपूर शहरात बंदुकीच्या गोळ्यांचा आवाज ऐकू आला. नगरसेविका निशातचा पती हैदर नदाफ याच्या हत्येचा बदला घेण्यासाठी विरोधी गटावर हल्ला करण्यात आला. हल्लेखोरांनी शोएब कक्कलवर गोळ्या झाडल्या.

शोएबच्या कानात गोळी लागली असून त्याला खासगी रुग्णालयात दाखल करण्यात आले आहे. हैदर नदाफ खून प्रकरणाच्या पार्श्वभूमीवर दोन टोळ्यांमध्ये गॅंगवॉर सुरू आहे. टोळीयुद्धातून झालेल्या गोळीबार प्रकरणी विजयपूर पोलिसांनी 12 आरोपींच्या मुसक्या आवळल्या आहेत. त्याचा हा तपशील…
व्हिज्युअल

विजयपूर शहरातील वड्डर कॉलनीत गेल्या 10 तारखेला फायरिंग झाली. हैदर नदाफच्या हत्येतील मुख्य आरोपीने शेख मोहम्मद मोदीचा जावई शोएबवर गोळी झाडली आणि फरार झाला. शोएब त्याच्या मित्रांसोबत फिरत असताना मारला गेलेला हैदर नदाफच्या समर्थकांनी देशी पिस्तुलातून दोन राऊंड फायर केले आणि तेथून पळ काढला. याप्रकरणी गोलघुमट पोलिस ठाण्यात गुन्हा दाखल करण्यात आला.

गोळीबार करणाऱ्या 12 आरोपींना अटक करण्यात आली आहे. विजयपूरचे एसपी ऋषिकेश सोनवणे यांच्या नेतृत्वाखाली टीमने या 12 आरोपींना लॉकअपमध्ये टाकले आहे. तसेच अटक करण्यात आलेल्या आरोपींकडून दोन देशी पिस्तुले, दोन दुचाकी आणि एक लांब बंदूक जप्त केली. न्यायालयाने आरोपींना न्यायालयीन कोठडी सुनावली. तसेच देशी पिस्तुलाबाबत अधिक तपास सुरू आहे. अटक करण्यात आलेल्या आरोपींपैकी दोघे अल्पवयीन आहेत, हे विशेष.

विजयपूर जिल्ह्यात गोळीबाराचे आवाज ऐकू येतात. प्रत्येक वेळी पोलीस आरोपींच्या मुसक्या आवळून तुरुंगाचा रस्ता दाखवतात. पोलीस कठोर कारवाई करत असूनही वारंवार बंदुकीच्या गोळ्यांचा आवाज ऐकावयास मिळतो हे दुर्दैव आहे.