अप्सरांनाही लाजवेल असा शृंगार अन सौंदर्य प्रदर्शन त्यांनी केले अन मोहक कॅटवॉक करत ‘हम भी कुछ कमी नही’चा संदेश सर्वांना दिला. उपस्थित रसिकांनी त्यांना टाळ्या अन शिट्ट्यांची भरभरून दाद दिली. अशा जल्लोषपूर्ण वातावरणात बेळगावात प्रथमच तृतीयपंथीयांचा फॅशन शो पार पडला.

होय, कुंदानगरी बेळगावात प्रथमच आयोजित करण्यात आलेल्या तृतीयपंथीयांच्या फॅशन शोला रसिकांचा उत्स्फूर्त प्रतिसाद लाभला. यावेळी तृतीयपंथीयांनी आकर्षक रंगसंगतीच्या साड्या परिधान करून मोहक कॅटवॉक करून उपस्थितांची मने जिंकली.
महिलांनी विशेषतः किशोरवयीन मुलींनी फॅशन शोमध्ये रॅम्प वॉक करणे सामान्य आहे. परंतु बेळगावमध्ये ट्रान्सजेंडर लोकांनी कॅटवॉक करून सर्वांचे लक्ष वेधून घेतले. विविध प्रकारचे खास कपडे परिधान करून आणि कॅट वॉक करताना सर्वांचे लक्ष शोकडे होते आणि टाळ्यांच्या शिट्ट्यांनी त्यांना अधिक ऊर्जा दिली.

बेळगावातील कुमारगंधर्व कलामंदिर येथे कर्मभूमी प्रतिष्ठानने 29 रोजी सायंकाळी 5 वाजता एके प्रॉडक्शनच्या सहकार्याने ‘थर्ड जेंडर फॅशन शो’चे आयोजन केले होते. त्यात अनेक तृतीयपंथीयांनी जल्लोषात आनंदाने सहभाग घेतला, असे कर्मभूमी प्रतिष्ठानच्या संस्थापक अध्यक्षा श्वेता पाटील यांनी सांगितले.

असा प्रयोग बेळगावमध्ये प्रथमच होत आहे. यावेळी काँग्रेस ग्रामीण जिल्हाध्यक्ष विनय नावलगट्टी, आर्यन कुमार, इम्रान तापकीर, किरण बेदी, निकिता तारळे, तानाजी सावंत, श्रेया काकतीकर आदी उपस्थित होते.