बेळगावातील बॉक्साईट रोडवरील श्री महालक्ष्मी मंदिरात नवरात्रौत्सव विविध धार्मिक कार्यक्रमांनी भक्तिभावाने साजरा करण्यात येत आहे. यानिमित्त आज मंदिरात विशेष पूजा होमहवन, कुंकुमार्चन आदी विधी करण्यात आले.

बॉक्साईट रोड महालक्ष्मी मंदिरात मंगळवारी सकाळी 13 वा दसरा व नवरात्रोत्सवाचा एक भाग म्हणून सुवासिनींनी लक्ष्मी देवीची विशेष पूजा, मंगलआरती, होम हवन आणि आपट्याच्या झाडाची पूजा केली.
सकाळी मंगलआरतीसह लक्ष्मी मंदिरात दाखल झालेल्या सुवासिनींनी देवीच्या पठणात भाग घेऊन विशेष मंगलआरती करून दर्शन घेतले. मंदिरात बसविण्यात आलेल्या देवीच्या मूर्ती आकर्षक अलंकारांनी सजविण्यात आल्या होत्या. त्यापुढे महिलांनी सुबक रांगोळ्या घातल्या होत्या.

नवरात्रीचा एक भाग म्हणून दररोज देवीला होमहवन करून विशेष पूजा केली जाते. महिला भक्त दररोज दुपारी 3.30 वाजता होणाऱ्या चंडिका होममध्ये सहभागी होत आहेत.

यावेळी बोलताना महालक्ष्मी मंदिर समितीचे विश्वस्त सतीश माळवदे म्हणाले की, उषा कॉलनीत गेल्या 13 वर्षांपासून सुवासिनी दरवर्षी नवरात्रीला येथे विशेष पूजा करतात. दसरा उत्सवाचा भाग म्हणून नवरात्रीचे नऊ दिवस विशेष पूजा, घटस्थापनेसह गणहोम, चंडिका होम, कुंकुमार्चन यासह विविध विधी-पूजा भाविक करत आहेत. महिला व बालकल्याण विभागाच्या मंत्री लक्ष्मी हेब्बाळकर 23 रोजी चंडिका होमाच्या समारोप समारंभात सहभागी होणार आहेत. यांच्याहस्ते देवी महालक्ष्मीच्या भक्तांचा सत्कार करणार असल्याचे त्यांनी सांगितले.

एकंदर बॉक्साईट रोड महालक्ष्मी मंदिरात विविध धार्मिक पूजाविधींसह नवरात्र साजरी करण्यात येत आहे.