शाळेत भालाफेक स्पर्धेवेळी भाला लागून अत्यवस्थ झालेल्या 15 वर्षीय मुलावर यशस्वी शस्त्रक्रिया करण्यात आली आहे. लेक व्ह्यू हॉस्पिटलचे डॉ. रविराज घोरपडे यांनी या मुलावर यशस्वी शस्त्रक्रिया केली.

भालाफेक स्पर्धेवेळी अरभावी येथील एका 15 वर्षीय मुलाच्या पाठीत मणक्यात भाला टोचून स्पाइनल कॅनालमध्ये घुसल्याने गंभीर दुखापत झाली होती. त्या मुलाला जवळच्या रुग्णालयात दाखल करून प्रथमोपचार करण्यात आले. ज्या ठिकाणी भाला काढण्यात आला तिथून रक्तस्त्राव झाला. नंतर त्याला बेळगावातील लेकव्ह्यू हॉस्पिटलमध्ये दाखल करण्यात आले. तेथे न्यूरोसर्जन डॉ. रविराज घोरपडे यांच्या नेतृत्वाखाली शस्त्रक्रिया करण्यात आली. पाठीचा कण्यातील हाडाचा तुकडा काढून टाकण्यात आला आणि मणक्याचे नुकसान दुरुस्त करण्यासाठी शस्त्रक्रिया यशस्वी करण्यात आली. हा मुलगा आता रुग्णालयात बरा झाला आहे. तरुणाची प्रकृती लवकरच पूर्णतः बरी होण्याची अपेक्षा आहे.

शस्त्रक्रिया झालेल्या मुलाने, शाळेत स्पर्धेवेळी चुकून कशाप्रकारे आपल्या पाठीत भाला घुसला याची माहिती दिली.
मुलाच्या आईने त्याच्या बाबतीत घडलेला सर्व घटनाक्रम सांगितला.

न्यूरोसर्जरीचा दोन दशकांचा अनुभव असलेले डॉ. रविराज म्हणाले की, तीक्ष्ण वस्तूंचा वापर होणाऱ्या खेळांमध्ये भाग घेताना अशा प्रकारचा धोका संभवतो. पालक आणि प्रशिक्षकांनी ते टाळण्यासाठी सर्व सुरक्षिततेच्या खबरदारीची खात्री करण्यासाठी पावले उचलली पाहिजेत. दुर्लक्षामुळे असे अपघात होत आहेत. दुखापतीनंतर मुलाचे खालचे अंग कमकुवत झाले होते, परंतु शस्त्रक्रियेनंतर ते सुधारले. त्याला आता वॉकरच्या मदतीने चालता येत आहे. हे लक्षात ठेवणे महत्त्वाचे आहे की पाठीच्या कण्यातील जखम खूप गंभीर असू शकते. तुमचा कधी अपघात झाला असेल तर त्यामुळे पाठीच्या कण्याला दुखापत होऊ शकते, असे ते म्हणाले.
या मुलाची केस ही एक यशोगाथा आहे. विशेष म्हणजे योगायोगाने वर्ल्ड बॅकबोन डे (जागतिक मणका दिन) दिवशीच त्याच्यावर ही नाजूक व अवघड शस्त्रक्रिया करण्यात आली.