गोरगरीब विद्यार्थ्यांना उच्च दर्जाचे शिक्षण देण्याचा दृष्टीने अतिशय लहान जागेत सुरु केलेल्या या शाळेने आज यशस्वीपणे ३० वर्षे पूर्ण केली आहेत याच श्रेय देणगीदारांना जाते , असे नॅशनल प्रोग्रेसिव्ह एज्युकेशन ट्रस्टचे अध्यक्ष इसाक मुल्ला यांनी सांगितले .

नॅशनल प्रोग्रेसिव्ह एज्युकेशन ट्रस्टच्या शाळेचा ३० वा वर्धापन दिन आणि देणगीदारांची सत्कार समारंभ पार पडला . १९९४ साली , क्लब रोडवर , नॅशनल प्रोग्रेसिव्ह एज्युकेशन ट्रस्टची बालवाडी ते पाचवीपर्यंतची शाळा गोरगरीब विद्यार्थ्यांसाठी सुरु करण्यात आली होती . यासंबंधी माहिती देताना संस्थेचे अध्यक्ष इसाक मुल्ला यांनी सांगितले कि , एकदम लहान जागेत आम्ही गोरगरीब मुलांसाठी शाळा सुरु केली . विद्यार्थ्यांना चांगले शिक्षण देणे हा आमचा हेतू होता .

शाळा सुरु केल्यापासून आतापर्यंत आम्हाला अनेक अडचणींचा सामना करावा लागला . मात्र त्यावर मात करून यशस्वीपणे शिक्षणाची ३० वर्षे पूर्ण करीत आहोत . यासाठी अनेकांचे सहकार्य लाभले आहे . त्या सर्वाना आम्ही संस्थेच्या वतीने धन्यवाद देतो . तसेच शाळेच्या नूतनीकरणासाठी अनेक दानशूरांनी हातभार लावला , त्यांना देखील विद्यर्थी , पालक तसेच शाळेच्या वतीने धन्यवाद देतो .

यावेळी उद्योजक नागेश छाब्रिया, सचिन सबनीस तसेच अन्य देणगीदारांचा तसेच कोविड काळात उत्कृष्ट कामगिरी बजावलेल्या लोकांचा सत्कार करण्यात आला .
यानंतर संस्थेचे सेक्रेटरी नूरानी यांनी सांगितले कि , आधुनिक शिक्षण पद्धतीनुसार , खाजगी शाळांमध्ये जे उच्च दर्जाचे शिक्षण दिले जाते त्याप्रकारेच सर्व देणगीदारच्या सहकार्याने आम्ही शाळेत , नवीन तंत्रज्ञान अवलंबून ,उच्च दर्जाचे शिक्षण देत आहोत . कोवीड काळात आम्हाला सिलेंडर देखील मिळत नव्हता त्यावेळी लोकांनी आम्हाला मदत केली .
यावेळी संस्थेच्या प्रशासन मंडळातील पदाधिकारी आणि सदस्य , त्याचप्रमाणे देणगीदार , पालक , आणि विद्यार्थी उपस्थित होते .