गेल्या दोन वर्षांपूर्वी कृष्णा व भीमाना नदीला पूर आल्याने जिल्ह्यातील तिकोटा तालुक्यातील कखकवटगी गावच्या रस्त्याला जोडलेले संगमनाथ मंदिर व लगतची झरी पाण्याखाली गेली होती. आता पूर नाही आणि उन्हाळा जवळ आला असताना संगमनाथ मंदिराच्या गर्भगृहात पुन्हा पाणी शिरले आहे. रात्री बारा वाजण्याच्या सुमारास मंदिरातील पुजारी व गावातील ज्येष्ठांनी महाशिवरात्रीनिमित्त संगमनाथाची विशेष पूजा केली.

तुबची बबलेश्वर पाटबंधारे प्रकल्पातुन पाणी सोडल्याने , कृष्णा नदीला जास्त पाणी आल्याने कखकवटगी संगमनाथ मंदिर जलमय होण्याच्या मार्गावर आले आहे. गाभार्यात पाणी शिरल्याने देवाचे दर्शन घेण्याची संधी मिळत नाही. दरवर्षी महाशिवरात्रीला संगमनाथाची विशेष पूजा केली जाते. मात्र यंदा गर्भगृहात पाणी साचल्याने भाविकांना विशेष पूजा करता आली नाही. या कारणास्तव काल रात्री मंदिराचे पुजारी व काही गावातील पुढाऱ्यांच्या कुटुंबीयांनी गाभार्यात पाण्यात प्रवेश करून देवतेची विशेष पूजा केली.

नजीकच्या झरीमध्ये भरून वाहत असलेल्या पाण्यामुळे उन्हाळ्यातच पावसासारखे स्वरूप निर्माण झाले आहे . तुबची- बाभळेश्वर पाटबंधारे प्रकल्पातून कलखवटगी , तिकोटा, तसेच बबलेश्वर परिसरात मोठ्या प्रमाणात पाणी सोडण्यात आले. खड्डे, बंधारे , तलाव भरून वाहत आहेत. संगमनाथ मंदिराच्या गर्भगृहात सध्या चार ते पाच फूट पाणी भरले आहे.
दरवर्षी प्रमाणे या वर्षी देखील ग्रामस्थांनी शिवरात्रीच्या दिवशी मध्यरात्री 12 वाजता संगमनाथाला अभिषेक घालून पूजन केले .

यासोबतच गर्भगृहात चार ते पाच फूट पाणी असतानाही संगमनाथला दूध, दही, तुपाचा अभिषेक करण्यात आला.  गावातील भाविकांनीही भजन पाडे गाऊन शिवरात्रि जागवली .
उन्हाळा सुरू होण्यापूर्वीच पावसाळ्याचे वैभव पाहून आजूबाजूच्या लोकांच्या आनंदाला पारावार उरला नव्हता. पाण्याच्या आगमनाने भाविकांनी आनंद व्यक्त करत कृष्णेच्या पाण्याचा विशेष अभिषेक करून संगमनाथाची पूजा केली.