आमदार रमेश जारकीहोळी असोत किंवा केपीसीसी अध्यक्ष डी.के. शिवकुमार, कोणीही कोणत्याही बाबतीत मर्यादा ओलांडू नये, असा सल्ला केपीसीसीचे कार्याध्यक्ष सतीश जारकीहोळी यांनी दिला आहे.

केपीसीसीचे अध्यक्ष डी.के. शिवकुमार आणि आमदार रमेश जारकीहोळी यांच्यातील सीडी युद्धाबाबत बोलताना सतीश जारकीहोळी म्हणाले की, कोणीही वैयक्तिक टीका करू नये. रमेश असो, डीकेशी असो, कोणीही असो. एका मर्यादेत विधान करणे योग्य ठरेल, असा सल्ला त्यांनी दिला.

विधान करणे ही काही मोठी गोष्ट नाही. पण त्यामुळे पक्षाचे नुकसानही होते. त्याशिवाय वैयक्तिक नुकसानही होईल. आमदार रमेश यांच्या दिल्ली दौऱ्याबाबत मी वर्तमानपत्रात पाहिले. मी माध्यमांतून रमेश यांचे म्हणणे ऐकणार आहे. सीडीच्या बाबतीत मर्यादेपलीकडे काहीही जाऊ नये. सर्व काही कायदेशीर चौकटीत असावे. कायद्याने लढण्याची प्रत्येकाला संधी आहे असे ते म्हणाले. बाईट