स्टील फर्निचर व्यापाऱ्याने गळफास घेऊन जीवन संपविल्याची घटना विजापूर जिल्ह्यातील सिंदगी शहरात घडली आहे.

सिंदगी येथील दानेश्वरी स्टील फर्निचरचे मालक संगमेश चन्नाप्पा इवानी (३५) यांनी गळफास घेऊन आत्महत्या केली. तो शहरातील बंदाळ रोडवर फर्निचरचा व्यापार करून उदरनिर्वाह करत असल्याची माहिती आहे. त्यांच्या आत्महत्येचे नेमके कारण कळू शकलेले नाही. परंतु कर्जाच्या बोजामुळे हा निर्णय घेण्यात आला असावा, असे बोलले जात आहे. सिंदगी पोलिसांनी घटनास्थळी भेट देऊन पंचनामा केला.