पुणे-बेंगळूर राष्ट्रीय महामार्गावर सुवर्णसौधपासून 2 किमी अंतरावर खमकारहट्टीजवळ खडीवाहू टिप्पर आणि ट्रॅक्टरमध्ये बुधवारी पहाटे भीषण अपघात झाला. या अपघातात खडीखाली दाबल्याने एकजण जागीच ठार झाला.

सुवर्णसौधपासून 2 किमी अंतरावर खमकारहट्टीजवळ लहान पुलावर खडीवाहू टिप्पर आणि ट्रॅक्टरमध्ये बुधवारी पहाटे भीषण अपघात झाला. यावेळी वाहन उलटल्याने खडीखाली दाबल्याने एकजण जागीच ठार झाला. त्याची ओळख पटू शकलेली नाही.

अपघाताची माहिती मिळताच हिरेबागेवाडी पोलिसांनी घटनासाठी धाव घेऊन बचावकार्य सुरु केले.

अपघातानंतर क्रेनच्या सहाय्याने दोन्ही वाहने महामार्गावरून बाजूला करण्यात आली. त्याचप्रमाणे महत्प्रयासाने खडीच्या ढिगाऱ्याखाली अडकलेला मृतदेह बाहेर काढण्यात आला. या प्रकरणी हिरेबागेवाडी पोलिसात गुन्हा दाखल करण्यात आला आहे.