बेळगावीतील सारथी नगर भागात फातिमा मशिदीचे अनधिकृत बांधकाम झाल्याच्या आरोपाच्या पार्श्वभूमीवर बेळगाव महापालिकेने वक्फ बोर्डाला धार्मिक उपक्रम थांबवण्यासाठी मशिदीला तात्काळ टाळे ठोकण्याची नोटीस बजावली आहे. त्यानुसार वक्फ बोर्डाने फातिमा मशिदीला टाळे ठोकले आहे.

व्हॉइस ओव्हर : निवासी इमारतीत धार्मिक धार्मिक कार्यक्रम होत असल्याच्या आणि अनधिकृत फातिमा मशीद बांधल्याच्या आरोपांच्या पार्श्वभूमीवर मशीद तात्काळ बंद करण्याची, मागणी हिंदू पक्ष संघटना आणि भाजपच्या स्थानिक नेत्यांनी आठवड्याभरापूर्वी केली होती . या संदर्भात जिल्हाधिकाऱ्यांना निवेदन सादर केले होते.

या संदर्भात बेळगाव नगरपालिकेने वक्फ बोर्डाला नोटीस बजावली असून वक्फ बोर्डाने फातिमा मशिदीला टाळे ठोकले आहे. पुढील अनुचित घटना घडू नये यासाठी खबरदारीचा उपाय म्हणून मशिदीसमोर केएसआरपीची तुकडी तैनात करण्यात आली आहे.
यासंदर्भात पार्श्वभूमी अशी कि , 2011 मध्ये, कर्नाटक राज्य सरकारी मोटार चालक संघटनेने लेआउट तयार केला आणि भूखंडाची विक्री केली . निंगाप्पा दानवडे यांच्याकडून 2013 मध्ये प्लॉट क्रमांक 19 खरेदी करण्यात आला .
त्यानंतर दानवडे यांनी दुबई येथील अब्दुल अजीज कामदोड दाम्पत्याला हा भूखंड विकला .

नंतर ते कामदोड दाम्पत्याने 2018 मध्ये मौलाना अब्दुल कलाम आझाद एज्युकेशन अँड चॅरिटेबल सोसायटीला ही जागा दान केली . 2020 मध्ये दान केलेल्या जमिनीवर सोसायटीने मशीद बांधल्याचा आरोप आहे. मुस्लीम नेते आता वादग्रस्त जमीन वक्फ बोर्डाची मालमत्ता असल्याचा दावा करत आहेत. महापालिकेने गेल्या वर्षी २६ एप्रिल रोजी यासंदर्भात मौलाना अब्दुल कलाम आझाद सोसायटी आणि वक्फ बोर्डाला कारणे दाखवा नोटीस बजावली होती.

दोन दिवसांपूर्वी पुन्हा वक्फ बोर्डाला नोटीस बजावण्यात आली होती.रहिवासी उद्देशाच्या इमारतीत धार्मिक कार्यक्रम होत असल्याचा आरोप आहे. जमीन वापराच्या मार्गदर्शक तत्त्वांचे उल्लंघन केल्याचा आरोप, मशीद बांधकाम परवानगी नसल्याने महापालिकेने धार्मिक उपक्रम तातडीने बंद करण्याची नोटीस बजावली आहे. महापालिकेच्या नोटीसनंतर वक्फ बोर्डाने या मशिदीला टाळे ठोकले आहे .