माध्यान्ह आहार योजना ही केंद्र आणि राज्य सरकारची महत्त्वाकांक्षी योजना आहे. मुलांना कुपोषणाचा त्रास होऊ नये, या उद्देशाने त्यांना चहा, दूध, फ्लेक्स, केळीही दिली जात आहेत. या अक्षर दासोहात हुक्केरी हिरेमठचे श्री चंद्रशेखर शिवाचार्य स्वामीजी यांचे मोठे योगदान आहे असे गौरवोद्गार शिक्षण मंत्री बी.सी. नागेश यांनी काढले.

हुक्केरी हिरेमठाच्या बेळगाव लक्ष्मी टेकडी शाखेत आज मठाच्या दिनदर्शिकेचे प्रकाशन शिक्षण मंत्री बी.सी. नागेश यांच्या हस्ते करण्यात आले. त्यानंतर बोलताना नागेश यांनी, चंद्रशेखर स्वामीजी कर्नाटक राज्य माध्यान्ह आहार स्वयंसेवी संस्था संघटनेच्या अध्यक्षपदी निवडून एक अद्भुत कार्य करत आहेत, अशी प्रशंसा केली.
यावेळी विधान परिषदेचे माजी सदस्य अरुण शहापूर यांनीही स्वामिजिंच्या कार्याचे कौतुक केले.

श्री चंद्रशेखर शिवाचार्य स्वामीजी म्हणाले की, आमच्या सर्व स्वयंसेवी संस्था सरकारी योजना व्यवस्थितपणे राबविण्यासाठी कटिबद्ध आहेत. मी शिक्षणमंत्री आणि विभागाच्या अधिकाऱ्यांना एक शब्द सांगू इच्छितो. स्वयंसेवी संस्थांना दरवर्षी प्रशिक्षण देऊन त्यांना अधिकाधिक काम करण्यास मदत करावी, असे ते म्हणाले.

यावेळी बेळगाव अक्षर दासोहचे शिक्षणाधिकारी लक्ष्मणराव यक्कुंडी, केएसएमएफचे उपाध्यक्ष नारायण सोगली, खजिनदार कल्लाप्पा बोरन्नवर, एम. के. हुबळीचे मंजुनाथ आळवणे, एस. एस. मठद, एम. बी. पाटील, एम. ए. कोरीशेट्टी आदी उपस्थित होते. राजू पडगुरी यांनी स्वागत व सूत्रसंचालन केले.