बेळगावातील सुवर्णसौधसमोर आंदोलनासाठी जाणाऱ्या अंगणवाडी सेविकांच्या बसला एका ट्रकने धडक दिल्याने भीषण अपघात झाला. यात अनेक जण गंभीर जखमी झाले आहेत. हा अपघात धारवाडजवळील तेग्गुर येथे आज पहाटे झाला.

बेळ्ळारी येथील अंगणवाडी सेविका मोठ्या संख्येने बसमधून बेळगाव सुवर्णसौध येथे आंदोलनासाठी जात असताना तेग्गुरजवळ राष्ट्रीय महामार्गावर एका ट्रकची बसला धडक बसली. त्यामुळे सात अंगणवाडी सेविका गंभीर जखमी झाल्या. काही जखमींना धारवाड जिल्हा रुग्णालयात दाखल करण्यात आले असून त्यांच्यावर उपचार सुरू आहेत.