हिंदवाडी येथील हिंद सहकारी संस्थेच्या सभागृहात कराटे बेल्ट चाचणी घेण्यात आली. या परीक्षेत एकूण 70 कलर बेल्ट कराटे विद्यार्थ्यांनी सहभाग घेतला होता. दोन ब्लॅक बेल्ट विद्यार्थ्यांचा सत्कार यावेळी करण्यात आला .

भारतीय कराटे क्लब व बेळगाव जिल्हा क्रीडा कराटे संघटनेचे अध्यक्ष गजेंद्र काकतीकर यांनी , ओंकार कवेठि यांचा ब्लॅक बेल्ट, प्रमाणपत्र व स्मृतिचिन्ह देऊन गौरव केला.तसेच नताशा राजू अष्टेकर हिला ब्लॅक बेल्ट प्रथम डॅन पदवी व प्रमाणपत्र देऊन गौरविण्यात आले. तसेच ओंकाराचे आई-वडील राहुल कवेठि आणि हीरा कवेठि यांचाही शाल व पुष्पहार देऊन गौरव करण्यात आला. या विद्यार्थ्यांना त्यांचे प्रशिक्षक प्रभाकर किल्लेकर यांच्याकडून प्रशिक्षण दिले जात आहे.

कार्यक्रम यशस्वी करण्यासाठी भारतीय कराटे क्लबच्या प्रशिक्षक हेमलता जी काकतीकर , विठ्ठल भोजगार , परशुराम काकती, विजय सुतार, निलेश गुरखा, हरीश सोनार, विनायक दंडकर, पूजा पाटील, साहिल दड्डीकर, दीपक चंदगडकर यांनी परिश्रम घेतले.