ख्रिसमसच्या आगमनानिमित्त, युनायटेड ख्रिश्चन फोरम फॉर ह्युमन राइट्सने तर्फे संयुक्त ख्रिसमस कार्यक्रम आयोजित केला होता. रविवारी संध्याकाळी फातिमा कॅथेड्रल कॅम्पसमध्ये सर्व ख्रिस्ती पंथातील लोकांनी एकत्र येऊन हा उत्सव साजरा केला . शहरातील विविध चर्चमधील कॉयर समुहानी ख्रिसमस कॅरोल्स सादर केले आणि येशूच्या जन्मावर आधारित स्किट्स देखील सादर केले.

बेळगावचे बिशप रेव्ह डेरेक फर्नांडिस जे फोरमच्या बेळगाव शाखेचे अध्यक्ष आहेत नाताळच्या सणाचा खारा अर्थ सांगितला. रस्त्यावर चालताना वंचित आणि गरीब बालके व नागरिकांची चौकशी करून त्यांना मदत करण्याचे आवाहन केले.

“जर येशू ख्रिस्ताचा आज जन्म झाला असता, तर तो लहान मुलाच्या रूपात फूटपाथवर जन्माला आला असता, जिथे हजारो लहान बाळांना त्रास सहन करावा लागतो. येशू ख्रिस्ताचा जन्म गुरे-मेंढ्यांच्या गोठ्यात झाला. तथापि, जर येशू आज जन्माला आला असता, तर त्याने असे म्हटले असते की लहानपणी त्याला जे त्रास सहन करावे लागले ते शहरांच्या पदपथांवर सोसणाऱ्या मुलांच्या तुलनेत खूपच कमी होते,” बिशप फर्नांडिस म्हणाले.

त्यांनी गरीब, उपेक्षित आणि निराधारांना मदत करून ख्रिसमस साजरा करण्याचे आवाहन केले.
बिशप फर्नांडिस यांनी आवाहन केले की, ख्रिसमसचा खरा उत्सव फूटपाथ आणि निराधार घरांवर दुःख सहन करणाऱ्यांमध्येच असेल.
इमॅक्युलेट कन्सेप्शन चर्च, फातिमा कॅथेड्रल, सेंट अँथनी चर्च, मेथोडिस्ट चर्च, हार्वेस्ट चर्च आणि शहरातील आणि आजूबाजूच्या इतर चर्चमधील गायक मंडळींनी नाताळचा खरा अर्थ सांगणारा येशू ख्रिस्ताच्या जन्माचे चित्रण करणारा प्रभावी कार्यक्रम सादर केला.

रात्री 9 वाजता संपलेल्या कार्यक्रमासाठी फोरमचे सहसचिव फा. प्रमोद कुमार, खजिनदार क्लारा फर्नांडिस आणि सदस्य पास्टर नूर्दुद्दीन, पास्टर चेरियन आणि इतर उपस्थित होते.