महेश फौंडेशनचे संस्थापक महेश जाधव यांना ट्रायडेंट हॉटेल, मुंबई येथे आयोजित एका कार्यक्रमात प्रतिष्ठित “बदलाव हमसे है” पुरस्कार प्रदान करण्यात आला. पद्मश्री पुरस्कार विजेते सामाजिक कार्यकर्ते डॉ. प्रकाश आमटे, अभिनेत्री दिया मिर्झा आणि नेटवर्क18 च्या कार्यकारी संपादक लता व्यंकटेश यांच्या हस्ते महेश जाधव यांना “बदलाव हमसे है” पुरस्कार प्रदान करण्यात आला.

यावेळी महाराष्ट्राचे मुख्यमंत्री एकनाथ शिंदे यांनी महेश जाधव यांच्या प्रयत्नांचे कौतुक केले. वैद्यकीयदृष्ट्या अपंग आणि वंचित मुलांना सन्मानित जीवन देण्यासाठी महेश जाधव यांच्या कार्याबद्दल त्यांनी त्यांचे कौतुक केले. बदलाव हमसे है, नेटवर्क18 आणि एयू स्मॉल फायनान्स बँकेचा हा एक उपक्रम आहे ज्यात, 20 चेंजमेकर्सचा प्रवास दर्शविला जातो. प्रभावी मानवतावादी सेवेच्या दिशेने नवीन मार्गावर चालत आहेत, भारतातील समुदाय आणि व्यक्तींच्या जीवनात महत्त्वपूर्ण बदल घडवून आणत आहेत. या उपक्रमांतर्गत सहा महिन्यांच्या कालावधीत, विविध टीम्सनी देशाच्या विविध कानाकोपऱ्यांना भेटी दिल्या आणि समाजातील असुरक्षित आणि उपेक्षित घटकांचे जीवन सुधारण्यासाठी अथकपणे काम करणाऱ्या परिवर्तनकर्त्यांच्या कथा कव्हर केल्या.

बेळगावचे सुपुत्र महेश जाधव हे वैद्यकीयदृष्ट्या अपंग आणि वंचित मुलांसाठी स्वतंत्र आणि सन्माननीय जीवन सुनिश्चित करण्यासाठी गेल्या 14 वर्षांपासून काम करत आहेत. ते शिक्षण, आरोग्य आणि उपजीविका अशा विविध क्षेत्रात काम करत आहेत. दरवर्षी, ते 20000 हुन अधिक लाभार्थ्यांपर्यंत पोहोचत आहेत. महेश जाधव यांच्या नेतृत्वाखाली महेश फाउंडेशनने 100 खाटांचे धर्मादाय रुग्णालय, धर्मादाय रक्तपेढी, नवीन कौशल्य विकास केंद्र आदी महत्त्वाकांक्षी कार्यक्रम हाती घेतले आहेत.

सामाजिक कार्यकर्ते महेश जाधव हे 2017 मध्ये भारताच्या राष्ट्रपतींकडून बाल कल्याणासाठी राष्ट्रीय पुरस्कार प्राप्त करणारे सर्वात तरुण कार्यकर्ते आहेत. तसेच, बालकल्याणासाठी त्यांच्या मानवतावादी सेवेबद्दल त्यांना 2014 मध्ये राज्य पुरस्काराने सन्मानित करण्यात आले आहे.