सिमेंटवाहू वाहनाने धडक दिल्याने एक जण गंभीर जखमी झाल्याची घटना बेळगाव शहरात घडली आहे.

शहरातील शिवाजी उद्यानाजवळ पायी जाणाऱ्या एका व्यक्तीला मंगळवारी सकाळी सिमेंटवाहू वाहनाने धडक दिली. या व्यक्तीच्या पायाला गंभीर दुखापत झाली असून मोठ्या प्रमाणात रक्तस्त्राव होत होता. जखमीला तातडीने रुग्णालयात दाखल करण्यात आले. शिवाजी नगर येथील रामास्वामी गौडा असे जखमीचे नाव आहे. या घटनेमुळे या रस्त्यावर नागरिकांची मोठी गर्दी झाली होती. अपघातामुळे या ठिकाणी मोठ्या प्रमाणात वाहतूक कोंडी झाली होती. शहापूर स्टेशन पोलिस व दक्षिण रहदारी पोलिसांनी घटनास्थळी भेट देऊन पाहणी केली. त्यानंतर पोलिसांनी वाहतूक नियंत्रणात आणून नागरिकांसाठी रस्ता खुला केला