क्षुल्लक कारणावरून तरुणांमध्ये झालेल्या भांडणातून एका तरुणावर चाकूने वार केल्याची घटना रविवारी रात्री हुबळी येथे घडली.

रविवारी रात्री संदीप आणि अन्य दोघांमध्ये भांडण झाले आणि हाणामारी झाली. यावेळी हातावर व पोटावर चाकूने वार केल्याने संदीप नावाचा तरुण जखमी झाला. त्याला तत्काळ हुबळी येथील किम्स रुग्णालयात दाखल करण्यात आले असून उपचार सुरु आहेत. या प्रकरणी जुनी हुबळी पोलीस ठाण्यात गुन्हा दाखल करण्यात आला आहे.