राज्यातील जनता जागरूक असून राजकारण जाणते. काँग्रेसच्या बोलण्याला लोकांनी भुलू नये असे मुख्यमंत्री बसवराज बोम्मई यांनी सांगितले.

चिक्कमगळूर येथील कडूर येथील पोलीस प्रशिक्षण केंद्राच्या हेलिपॅडवर आज प्रसार माध्यमांशी बोलताना मुख्यमंत्री बोम्मयी यांनी, सिद्धरामय्या यांच्या सहानुभूती मिळवून मतयाचना करण्याच्या विधानावर प्रतिक्रिया दिली. ते शंभर वर्षे जगावेत अशा शुभेच्छा मी देतो. 2013 मध्ये त्यांनी राज्यातील जनतेला हेच सांगितले आणि लोकांनी त्यांच्यावर विश्वास ठेवत त्यांना मतदान केले. पण जनतेच्या मताला किंमत मिळाली नाही. काँग्रेसची सत्ता जनतेने मान्य केली नाही. खून आणि खंडणीचे अनेक गुन्हे त्यांच्या सत्ताकाळात घडले. कोणताही सरकारी कार्यक्रम लोकांपर्यंत पोहोचला नाही. त्यामुळे 2018 मध्ये काँग्रेस पक्षाचा पराभव झाला. त्यांना पुन्हा मुख्यमंत्री बनवायला लोकांना सांगण्याचा त्यांना अधिकार आहे. पण त्यांच्या बोलण्यावर पुन्हा विश्वास ठेवण्याचा प्रश्न येत नाही, असे ते म्हणाले.

भारतीय जनता पक्षाच्या जनसंकल्प यात्रेचा तिसरा टप्पा मलनाडू प्रदेशातून सुरू झाला आहे. प्रत्येक विधानसभा मतदारसंघात जनसंकल्प यात्रा काढण्याचा आमच्या पक्षाचा कार्यक्रम आहे. या कार्यक्रमाला जनतेचा अभूतपूर्व पाठिंबा मिळत आहे. कल्याण कर्नाटक, मुंबई कर्नाटकानंतर आता डोंगराळ भागात यात्रा काढण्यात आली आहे. ही जनसंकल्प पक्षासाठी विजयाचा संकेत ठरेल, असा आम्हाला विश्वास आहे असे बोम्मई म्हणाले.

येत्या काही दिवसांत मलनाड भागात सुपारीसह अनेक पिकांच्या नाशाच्या भरपाईबाबतच्या प्रश्नाला प्रतिसाद देत बोम्मई म्हणाले, पूर आणि अतिवृष्टीमुळे नुकसान झालेल्या पिकांना सरकार आधीच दुप्पट भरपाई देत आहे. ९९ कोटी रुपयांची पीक नुकसान भरपाई यापूर्वीच वितरित करण्यात आली आहे. जिल्हा प्रशासनाने संयुक्त सर्वेक्षण करून पिकांच्या नासाडीचा अहवाल दिल्यास शासन पीक नुकसानभरपाईही देईल. यापूर्वी नुकसान भरपाई एक वर्षानंतर मिळायची. मात्र आता उत्तरदायी सरकार असल्याने शेतकरी बचावासाठी सरसावले असून दीड महिन्यात पीक नुकसान भरपाई देण्यात आली आहे, असे मुख्यमंत्री बोम्मई यांनी सांगितले.

एकंदर राज्यातील जनतेने काँग्रेसच्या भुलावणीला बळी पडू नये असे आवाहन मुख्यमंत्री बोम्मई यांनी केले.