मुख्यमंत्र्यांचे राजकीय सचिव आमदार एम. पी. रेणुकाचार्य यांच्या भावाचा मुलगा चंद्रशेखर यांच्या गूढ मृत्यूचा पोलिस तपास करत आहेत. या प्रकरणी जो कोणी दोषी असेल त्याच्यावर निश्चितपणे कठोर कारवाई केली जाईल, असे गृहमंत्री अरग ज्ञानेंद्र यांनी स्पष्ट केले.

गृहमंत्री अरग ज्ञानेंद्र यांनी आज, शुक्रवारी सुवर्ण विधानसौधच्या हेलिपॅडजवळ पत्रकारांशी संवाद साधला. ते म्हणाले, माजी मुख्यमंत्री येडियुरप्पा आणि रेणुकाचार्य यांच्यासह त्यांचे कुटुंबीय सांगत आहेत की हा मृत्यू नसून खून आहे. या प्रकरणी दावणगेरे जिल्हा पोलीस अधीक्षकांच्या नेतृत्वाखाली तपास सुरू असून दोषींवर कारवाई केली जाईल, असे ते म्हणाले.

पंतप्रधान नरेंद्र मोदी 11 नोव्हेंबर रोजी केम्पेगौडा यांच्या 108 फूट उंच पुतळ्याचे उद्घाटन करत आहेत. राज्याला कीर्ती मिळवून देणारे विश्वगुरू बसवण्णा, वीरराणी चन्नम्माजी, श्री कृष्ण देवराय यांच्या पवित्र स्थानावरून माती आणावी, असे सांगून सर्वांनी एकत्र येऊन तीन-चार दिशांनी माती आणत आहोत असे गृहमंत्री अरग ज्ञानेंद्र यांनी सांगितले.

यावेळी मंत्री नारायणगौडा, डॉ. अश्वत्थ नारायण, आर. अशोक आदी उपस्थित होते. याप्रसंगी बेळगाव जिल्ह्यातील भाजप नेत्यांनी मंत्र्यांचे स्वागत केले.