बेळगाव येथील रामतीर्थ नगर येथे नगरविकास प्राधिकरणाच्या अनुदानातून एकूण 23 कोटी रुपये खर्चाच्या विविध कामांचे भूमिपूजन आमदार अनिल बेनके यांच्या हस्ते आज करण्यात आले.

आमदार अनिल बेनके यांच्या हस्ते पाच ठिकाणी नाले, रस्ते, सुशोभित विद्युत दिवे, कालवे अशा 23 कोटी रुपये खर्चाच्या विविध कामांचा एकाच वेळी कुदळ पूजन करून लोकार्पण करण्यात आले.

स्थानिक रहिवाशांची अनेक वर्षांपासूनची मागणी आज पूर्ण झाल्याचे आमदार अनिल बेनके यांनी पत्रकारांशी बोलताना सांगितले. 28 किलोमीटर गटारे, रस्ते, सजावटीचे दिवे, नाल्यांचे बांधकाम सुरू करण्यात आले आहे. कामाबाबत कोणाचा वाद असल्यास त्यांनी ठेकेदाराशी बोलून ते सोडवावे. कंत्राटदाराला मुदतीत दर्जेदार काम करण्याच्या सूचना दिल्या आहेत. 10 कोटी खर्चाचे काम आणखी आठ दिवसांत सुरू होईल, असे आश्वासन त्यांनी दिले.

यावेळी नगरसेवक हनुमंत कोंगाळी, नगर विकास प्राधिकरणाचे अधिकारी, अभियंते व स्थानिक नागरिक उपस्थित होते.