बेळगाव तालुक्यातील काकती  गावात श्री विठ्ठल बिरदेव यांचा पालखी सोहळा मोठ्या थाटामाटात साजरा करण्यात आला.

काकती गावातील श्री विठ्ठल बिरदेवाच्या पालखी सोहळ्याने गावात उत्सवाचे वातावरण निर्माण झाले होते. मंदिर समिती, हालुमत समाज व सर्व भाविकांनी श्री विठ्ठल बिरदेवाची विशेष पूजा, अभिषेक व सजावट केली होती. यावेळी हजारो भाविकांनी मंदिरात येऊन देवतेचे दर्शन घेतले. नंतर गावातील प्रमुख मार्गांवरून पालखी उत्सव मिरवणूक निघाली. यावेळी सुवासिनींनी आरती करून डोक्यावर कलश घेऊनमिरवणुकीत सहभाग घेतला. पारंपरिक ढोल वादनाने आणि भक्तांच्या जयघोषाने सर्वांना आकर्षित केले. आबालवृद्धांनी मोठ्या भक्तिभावाने यात सहभाग घेतला. श्रावण महिन्यानिमित्त दर रविवारी सायंकाळी हा कार्यक्रम होत असतो. आम्ही सर्व महिला मोठ्या उत्साहाने आरतीमध्ये सहभागी झालो. यामुळे आम्हाला आनंद होतो. आम्ही आशा करतो की देव सर्वांचे भले करेल, असे एका भक्त महिलेने सांगितले.

एका पंच कमिटी सदस्याने सांगितले की, आम्ही एकूण 11 रविवार श्री विठ्ठला बीरदेवच्या पालखी सोहळ्याचे आयोजन केले आहे. यापैकी 7 रविवार संपले. येत्या रविवारी आम्ही महाभिषेक, पालकी उत्सव आणि महाप्रसादाचे आयोजन केले आहे. भाविकांनी मोठ्या संख्येने सहभागी व्हावे, असे आवाहन त्यांनी केले.

एकंदरीत कडोलीतील श्री विठ्ठल बिरदेवाच्या पालखी सोहळ्यात भाविक मोठ्या उत्साहात सहभागी झाले होते. येत्या चार रविवारी पालखी सोहळा उत्साहात पार पडणार आहे.