बेळगावमध्ये नागपंचमी सणानिमित्त अखिल भारतीय वीरशैव लिंगायत महासभा जिल्हा शाखेच्या वतीने “कायक कट्टा” महिला उद्योजक उत्पादन विक्री मेळाव्याचे आयोजन करण्यात आले होते.

बेळगावातील शिवबसव नगरातील लिंगायत भवन येथे आयोजित कायक कट्टा महिला उद्योजक उत्पादने विक्री मेळाव्याला जिल्हा लेखिका संघ, महालक्ष्मी महिला मंडळ, लिंगायत महिला समाज, कन्नड महिला संघ, स्फुर्ती महिला मंडळ, संस्कृती महिला मंडळ, क्रांती महिला मंडळ, बसव बळग यांच्या महिला सदस्यांनी  भेट देऊन, नाग पंचमीला लागणाऱ्या विविध वस्तू, मिठाई, लहान मुलांचे कपडे, रांगोळी, मोत्याचे साहित्य, भांडी, लोकरीच्या व कापडी पिशव्या खरेदी करून मेळ्याचे कौतुक केले.

अखिल भारत वीरशैव लिंगायत महासभेच्या जिल्हाध्यक्षा रत्नप्रभा बेल्लद यांनी आमच्या इनन्यूज आपली मराठीशी बोलताना महिलांनी बनवलेल्या वस्तूंच्या विक्रीसाठी आम्ही एक व्यासपीठ तयार केले आहे. आम्ही दर महिन्याला या हॉलमध्ये विक्रीला परवानगी दिली आहे. पंचमी सणानिमित्त आम्ही पहिल्यांदाच या उपक्रमाचे आयोजन केले आहे. फराळासह सर्व प्रकारच्या वस्तू विक्रीसाठी उपलब्ध आहेत. त्याचा सर्वांनी चांगला उपयोग करून घ्यावा, असे आवाहन त्यांनी केले.

त्यानंतर कायक कट्टाच्या मुख्य प्रशासक आशा यमकनमर्डी यांनी सांगितले की, ही संस्था सुरू होऊन जवळपास सहा महिने झाले आहेत. या काळात आम्ही दोनदा साहित्याचे प्रदर्शन भरवले आहे. आम्ही महिलांना 16 स्टॉल मोफत दिले आहेत. आम्ही फक्त कौशल्यावर आधारित वस्तूंची विक्री आणि प्रदर्शन करण्यास परवानगी दिली आहे. अतिशय अप्रतिम कला असलेल्या महिला आमच्यासोबत असल्याचे त्यांनी सांगितले. चित्रकार डॉ.सुजाता वस्त्रद यांनी सांगितले की, मी सुमारे 30 चित्रकृतींचे प्रदर्शन केले आहे. आम्ही कॅनव्हास ऑइल, वॉटर कलर, निब पेंटिंग, रिऍलिस्टिक पेंटिंग यासह विविध चित्रे मांडली आहेत. यासाठी परवानगी दिल्याबद्दल मी अखिल भारत वीरशैव लिंगायत महासभेचे आभार मानू इच्छितो.