बेळगाव तालुक्यातील सुळगा (हिंडलगा) येथील रुचिका अमोल पाटील हिने दहावी सीबीएससी परीक्षेत ९९.४० टक्के गुण मिळवून प्रथम क्रमांक मिळवला आहे. केंद्रीय विद्यालय क्र. २ येथे ती शिकत होती. चार विषयांत तिने पैकीच्या पैकी गुण मिळवले. रुचिकाने बेळगाव केंद्रीय विद्यालयाचे आतापर्यंतचे सर्व रेकॉर्ड मोडले आहेत. तिचे वडिल सैन्यात सेवा बजावत आहेत. रुचिका ही नारायण पाटील व इंदू पाटील यांची नात आहे.  रुचिकादेखील आपल्या वडीलांच्या प्रमाणे  संरक्षण दलात काम करण्याचा मानस माध्यमांशी बोलतांना व्यक्त केला. तिच्या या यशाबद्दल सर्वत्र तिचे कौतुक करण्यात येत आहे . तिला वडील अमोल पाटील, आई पूनम पाटील आणि केंद्रीय विद्यालयच्या मुख्याध्यापक, शिक्षकांचे मार्गदर्शन लाभले आहे.