अज्ञात वाहनाने धडक दिल्याने झालेल्या अपघातात एकाच कुटुंबातील दोघेजण जागीच ठार झाले. हा अपघात रायबाग तालुक्यातील अलगवाडी कालव्याजवळ झाला.

रायबाग तालुक्यातील बस्तवाड गावचे लक्ष्मण लगमाण्णा पाटील (वय ५५) आणि पायप्पा पाटील या दोघांचा अपघातात जागीच मृत्यू झाला. ते रायबागहून हिडकलला जात असताना अज्ञात वाहनाने निडगुंदी-अलगवाडी दरम्यान असलेल्या कालव्याजवळ त्यांच्या दुचाकीला धडक दिली. त्यामुळे ते रस्त्यावर आपटून जागीच ठार झाले. अपघाताची माहिती मिळताच हारुगेरी पोलिसांनी घटनस्थळी भेट देऊन पंचनामा करून मृतदेह उत्तरीय तपासणीसाठी पाठवून दिले. या प्रकरणी हारुगेरी पोलीस ठाण्यात नोंद झाली आहे.