बेळगाव जिल्ह्यात कोविड–१९ संकट काळात आणि लसीकरण मोहिमेत उल्लेखनीय योगदान दिलेल्या आरोग्य व अन्य खात्याच्या अधिकारी–कर्मचाऱ्यांना २०२०–२१ या वर्षासाठीचे उत्तम नागरी सेवा पुरस्कार देऊन गौरविण्यात आले.  

बेळगावात बुधवारी सकाळी जिल्हा क्रीडांगणावर आयोजित ७३व्या प्रजासत्ताक दिन कार्यक्रमात जिल्हा पालकमंत्री गोविंद कारजोळ यांच्याहस्ते जिल्हा आरोग्य व कुटुंब कल्याण खात्याचे लसीकरण अधिकारी डॉ. ईश्वरप्पा गडाद, जिल्हा आरोग्य सर्वेक्षणाधिकारी डॉ. बी. एन. तुक्कार, कन्नड व संस्कृती खात्याच्या सहायक संचालिका विध्यावती बजंत्री यांच्यासह विविध खात्याच्या अधिकारी व कर्मचाऱ्यांना २०२०-२१ या वर्षासाठीचे उत्तम नागरी सेवा पुरस्कार देऊन गौरविण्यात आले. यावेळी बेळगाव उत्तरचे आ. अनिल बेनके यांच्यासह मान्यवर उपस्थित होते.