बेळगाव येथील सुवर्णविधानसौधच्या हिरव्यागार परिसरात सध्या मोरांचा नयनरम्य वावर पाहायला मिळत असून, सकाळच्या वेळी फिरण्यासाठी येणाऱ्या नागरिकांसाठी हे दृश्य विशेष आकर्षण ठरत आहे.

हलगा गावाला लागून असलेल्या सुवर्णसौधच्या आसपासच्या परिसरात अलीकडेच झालेल्या पावसामुळे निसर्ग सुंदर खुलला आहे. येथील सोयाबीन आणि बटाट्याच्या शेतांमध्ये मोरांचा मुक्त संचार सुरू असून, हे राष्ट्रीय पक्षी निसर्गप्रेमींचे लक्ष वेधून घेत आहेत.

दररोज सकाळी या भागात फिरण्यासाठी येणाऱ्या स्थानिक नागरिकांसाठी मोरांचे हे दर्शन विशेष आनंददायी ठरत आहे. शहराच्या धकाधकीपासून दूर हिरवळीच्या सानिध्यात मोरांचा हा वावर पाहिल्यामुळे सुवर्णसौध परिसराची शोभा अधिकच वाढली आहे.