जुन्या पद्धतीच्या आहार निर्मितीबाबत प्रत्येकाने आवड आणि स्फूर्ती निर्माण करून घेतली पाहिजे, असे प्रतिपादन जिल्हाधिकारी मोहम्मद रोशन यांनी केले. आहार संस्कृती जपण्यासाठी पारंपारिक पाककृतींचे जतन करणे आवश्यक असल्याचे त्यांनी यावेळी नमूद केले.

बेळगाव येथील कृषी विभागाच्या सभागृहात जिल्हा प्रशासन, जिल्हा पंचायत आणि कृषी विभागाच्या वतीने आयोजित ‘आंतरराष्ट्रीय वाणिज्य मेळाव्या’च्या निमित्ताने हा कार्यक्रम पार पडला. राष्ट्रीय अन्न सुरक्षा आणि पौष्टिक अभियानांतर्गत जिल्हास्तरीय तृणधान्य तसेच विस्मरणात गेलेल्या पाककृतींच्या स्पर्धेचे उद्घाटन जिल्हाधिकाऱ्यांच्या हस्ते झाले.

केवळ स्पर्धेत सहभागी होणे महत्त्वाचे नसून, जुनी आहार पद्धती टिकवून ती पुढील पिढीला परिचित करून देणे आवश्यक आहे. कृषी विभागाने अशा उपक्रमांच्या माध्यमातून पौष्टिक आहार पद्धतीबाबत जनजागृती करावी, असे जिल्हाधिकाऱ्यांनी सांगितले. अशा प्रकारचे कार्यक्रम प्रत्येक जिल्ह्यात आयोजित केले जावेत, अशी अपेक्षा मान्यवरांनी यावेळी व्यक्त केली.

या तृणधान्य महोत्सवात सहभागी झालेल्या महिलांनी विविध पौष्टिक पदार्थांची माहिती दिली. या प्रदर्शनात महिलांनी तयार केलेले तृणधान्यांचे वैविध्यपूर्ण पदार्थ आकर्षणाचे केंद्र ठरले होते. या प्रसंगी अंकिता वर्मा, कृषी विभागाचे संयुक्त संचालक एच. डी. कोळेकर यांच्यासह इतर मान्यवर उपस्थित होते.