भाजप शेतकऱ्यांसाठी आंदोलन करत असल्याचे आम्ही स्वागत करतो. या देशात शेतकरी आंदोलन करतात, याचा आम्ही आदर करतो. मात्र, भाजपने या आंदोलनात घुसून प्रसिद्धी मिळवण्याची आवश्यकता नाही, अशा शब्दांत कामगार मंत्री संतोष लाड यांनी टीका केली.

आज सुवर्णसौधमध्ये बोलताना ते म्हणाले की, विकासाच्या मुद्द्यांचा सरकार आदर करते. उत्तर कर्नाटकच्या समस्यांवर चर्चा झाली पाहिजे, हे आपले मत असून, नागरिकांना फायदेशीर ठरतील अशा मुद्द्यांवर चर्चा करावी, असे आवाहन त्यांनी विरोधी पक्षाला केले. उद्या भाजप नेत्यांकडून सुवर्णसौधला घेराव घालण्याच्या मुद्द्यावर प्रतिक्रिया देताना त्यांनी शेतकरी आंदोलनाचे स्वागत केले. या देशात शेतकरी आंदोलन करतात, याचा आम्ही आदर करतो. मात्र, भाजपने यात जाऊन प्रसिद्धी मिळवण्याची गरज नाही, असे त्यांनी स्पष्ट केले. ऊस आणि मक्यापासून इथेनॉल बनवण्याचे धोरण कोणी आणले, असा प्रश्न मंत्र्यांनी उपस्थित केला आणि उप-उत्पादनांच्या निर्मितीमध्ये महाराष्ट्रासोबत कर्नाटकही आघाडीवर असल्याचे संतोष लाड यांनी नमूद केले.

ऊस उत्पादक शेतकऱ्यांच्या समस्यांवर बोलताना लाड म्हणाले की, केंद्र सरकारने अवैज्ञानिक पद्धतीने कोट्या निश्चित केले आहेत, ज्यामुळे शेतकरी अडचणीत आहेत. इथेनॉलचे योग्य वितरण झाले असते, तर शेतकऱ्यांसाठी मोठ्या प्रमाणावर मदत मिळाली असती. एफआरपी (FRP) किंमत, वाहतुकीचा कोटा आणि सर्व प्रकारची सवलत केंद्र सरकारच निश्चित करते आणि नंतर राज्य सरकारवर आरोप करते. आम्ही शेतकऱ्यांच्या बाजूने उभे आहोत, पण केंद्रातील भाजपच्या नेत्यांची भूमिका काय आहे? केंद्र सरकारकडून एक रुपयाचीही मदत मिळत नाही. अशा परिस्थितीत भाजपवाले शेतकऱ्यांसोबत संघर्ष करायला पुढे सरसावले आहेत, हे शेतकऱ्यांनी समजून घेतले पाहिजे, असे मंत्री संतोष लाड यांनी म्हटले.