देशाचे भविष्य उज्ज्वल करण्याच्या उद्देशाने, अंजुमन पीयू महाविद्यालय आणि अंजुमन आयटीआय महाविद्यालयाचे विद्यार्थी व प्राध्यापक एकत्र आले आहेत. त्यांनी ‘मतदान आयोगाचे’ आयोजन करून सामान्य नागरिकांमध्ये मतदानाच्या महत्त्वाबाबत जागरूकता निर्माण केली आहे.

आज बेळगावच्या राणी चन्नम्मा सर्कल येथे अंजुमन पीयू महाविद्यालय आणि अंजुमन आयटीआय महाविद्यालयाचे विद्यार्थी व प्राध्यापक एकत्र आले. त्यांनी ‘मतदान आयोगाचे’ आयोजन करून सार्वजनिक ठिकाणी मतदानाच्या महत्त्वाविषयी जागरूकता निर्माण केली.

सरकारी आदेशानुसार देशभरात सुरू झालेल्या या महत्त्वपूर्ण अभियानात विद्यार्थ्यांनी स्वतःच्या अनोख्या पद्धतीने सहभाग घेतला आहे. ‘जनतेचे राज्य’ या आशयावर भर देत, प्रत्येक नागरिकाचा हक्क आणि मताचे मूल्य लोकांना समजावून सांगण्याचे उद्दिष्ट या अभियानाने ठेवले आहे.

या अभियानाबाबत महाविद्यालयाचे प्राध्यापक डॉ. एच. आय. तिम्मापूर म्हणाले, उत्तम देशाची निर्मिती होण्यासाठी सर्वप्रथम उत्तम नागरिक तयार होणे आवश्यक आहे. उत्तम नागरिकच विचारपूर्वक मतदान करतात. अशा मतदानामुळे उत्तम नेते निवडले जातात, सामर्थ्यवान सरकारची स्थापना होते आणि देशाचे भविष्य उज्ज्वल होते, असे मत त्यांनी व्यक्त केले.

यावेळी विद्यार्थी आणि कर्मचारी उपस्थित होते.