पश्चिम पदवीधर मतदारसंघातून दोन वेळा प्रतिनिधीत्व केल्यानंतर आता तिसऱ्यांदा ‘एनडीए’चे अधिकृत उमेदवार म्हणून एस. व्ही. संकनुर यांनी आपला उमेदवारी अर्ज दाखल केला.

धारवाड जिल्हाधिकारी कार्यालयात अर्ज दाखल करताना केंद्रीय मंत्री प्रल्हाद जोशी, भाजप प्रदेशाध्यक्ष बी. वाय. विजयेंद्र, जगदीश शेट्टर आणि बसवराज बोम्मई यांच्यासह प्रमुख नेते उपस्थित होते.

गेल्या १२ वर्षांत पदवीधरांचे आणि बेरोजगारीचे प्रश्न सभागृहात सातत्याने मांडल्याचे सांगत, शासकीय विभागांमधील रिक्त पदे भरण्यासाठी व जुनी पेन्शन योजना (ओपीएस) लागू करण्यासाठी नेहमीच संघर्ष केल्याचा दावा त्यांनी केला.

पंतप्रधान नरेंद्र मोदी यांनी तरुणांसाठी केलेले कार्य आणि स्वतःची कामगिरी यांच्या जोरावर ही निवडणूक जिंकू, असा ठाम विश्वास संकनुर यांनी व्यक्त केला.