निपाणी तालुक्यातील कारदगा गावात सार्वजनिक ठिकाणी घातक शस्त्रांचे प्रदर्शन करून भीतीचे वातावरण निर्माण करत एका तरुणावर प्राणघातक हल्ला केल्याची धक्कादायक घटना घडली आहे.

महाराष्ट्रातील हुपरी येथून तडीपार करण्यात आलेले नितीन हुकुरे, अनिल आणि निरंजन या तिघांनी कारदगा गावात हातात उघडी शस्त्रे घेऊन फिरत उघडपणे दहशत माजवली.

या गुंडांनी क्षुल्लक कारणावरून गावातील तेजस बिडीकर या तरुणावर शस्त्राने प्राणघातक हल्ला करून त्याला गंभीर जखमी केले. या हिंसक घटनेमुळे गावात काही काळ तणावाचे वातावरण निर्माण झाले होते. या प्रकरणी सदलगा पोलीस ठाण्यात संबंधित गुंडांवर गुन्हा दाखल करण्यात आला असून पोलीस त्यांचा कसून शोध घेत आहेत.