चिकोडी येथील निपाणी-मुधोळ मार्गावरील प्रियंका बारजवळ गुरुवारी उशिरा रात्री अज्ञात वाहनाने दिलेल्या धडकेत एका दुचाकीस्वाराचा जागीच मृत्यू झाला.

शिवानंद यल्लाप्पा गाडीवड्डर असे मृत व्यक्तीचे नाव आहे. शिवानंद हे निपाणीहून चिकोडीकडे येत असताना अज्ञात वाहनाने त्यांच्या बाईकला धडक दिली. या अपघातात त्यांचा जागीच मृत्यू झाला.

घटनेची माहिती मिळताच वाहतूक विभागाच्या पोलीस उपनिरीक्षक रुपाली गुडोदगी यांनी घटनास्थळी भेट देऊन पाहणी केली. याप्रकरणी गुन्हा दाखल करण्यात आला असून फरार वाहनाचा शोध पोलीस घेत आहेत.