अरण्य आणि वन्यजीव संपत्तीचे रक्षण करताना प्राणांची आहुती देणाऱ्या अरण्य विभागाच्या कर्मचाऱ्यांना मुख्यमंत्री डी. के. शिवकुमार यांनी भावपूर्ण श्रद्धांजली वाहिली. मल्लेश्वरम येथील अरण्य भवनात राष्ट्रीय अरण्य हुतात्मा दिनाचे आयोजन करण्यात आले होते.

राज्यभरातील जंगल व वन्यजीवांच्या संरक्षणासाठी कर्तव्य बजावत असताना वीरमरण आलेल्या कर्मचाऱ्यांच्या स्मृत्यर्थ अरण्य भवनात उभारण्यात आलेल्या हुतात्मा स्मारकास मुख्यमंत्री डी. के. शिवकुमार यांनी पुष्पचक्र अर्पण करून अभिवादन केले.

याप्रसंगी आयोजित राष्ट्रीय अरण्य हुतात्मा दिन कार्यक्रमात बोलताना मुख्यमंत्र्यांनी अरण्य रक्षकांच्या त्यागाचे स्मरण केले.

या कार्यक्रमास मंत्री रामलिंगा रेड्डी, पर्यावरण विभागाचे अप्पर मुख्य सचिव अंजुम परवेज, प्रधान मुख्य वनसंरक्षक मीनाक्षी नेगी यांच्यासह विविध क्षेत्रांतील मान्यवर व वरिष्ठ अधिकारी उपस्थित होते.