भारत स्वातंत्र्यदिनाचे शताब्दी वर्ष साजरी करत असताना २०४७ पर्यंत ‘विकसित भारत’ हे स्वप्न पूर्ण करण्याच्या दिशेने वेगाने वाटचाल करत आहे. आत्मनिर्भरता आणि आधुनिक तंत्रज्ञान या वाटचालीचे मुख्य आधारस्तंभ आहेत, असे मत माजी खासदार ईराण्णा कडाडी यांनी व्यक्त केले.

कल्लोळी येथील श्री महालक्ष्मी सौहार्द सहकारी संघ आणि श्री महालक्ष्मी पीकेपीएस संघाच्या प्रशासकीय कार्यालयात आयोजित स्वातंत्र्यदिन सोहळ्यात माजी खासदार ईराण्णा कडाडी यांच्या हस्ते अधिकृत ध्वजारोहण करण्यात आले.

आत्मनिर्भरता हा भारताचा आत्मा असून तंत्रज्ञानामुळे देशाला नवी ऊर्जा मिळत आहे. या दोन्ही घटकांच्या संगमातून भारत २०४७ पर्यंत समृद्ध आणि विकसित राष्ट्र म्हणून जगात ओळखला जाईल, असे ईराण्णा कडाडी यांनी सांगितले.

देशाच्या स्वातंत्र्यासाठी बलिदान देणाऱ्या हुतात्म्यांचे स्मरण करणे प्रत्येकाचे कर्तव्य आहे. देशाच्या विकासात सहकार क्षेत्राचे योगदान मोलाचे असून ग्रामीण भागाच्या प्रगतीसाठी सहकारी संस्थांचे कार्य कौतुकास्पद असल्याचे ईराण्णा कडाडी यांनी नमूद केले.

या प्रसंगी श्रीशैल तुप्पद, परप्पा मळवाड, सहदेव हेब्बाळ, गुरुनाथ व्यापारी, सोममिंग हडगीनाळ, सिद्धप्पा हेब्बाळ, अडीवेप्पा कुरबेट, काडेश गोरोशी, तुकाराम पालकी, दशगीर कमतनूर, प्रभु कडाडी, मल्लप्पा हेब्बाळ, गोपाळ जालूर, अशोक तळवार, बसवराज दासनाळ यांच्यासह कर्मचारी उपस्थित होते.