​आमदार प्रकाश हुक्केरी यांनी चिकोडीतील विविध भागांचा दौरा करून नागरिकांच्या समस्या जाणून घेतल्या.

शहराच्या विकासासाठी ५६ लाख रुपयांचा निधी मंजूर करण्यात आला असून यामुळे रस्ते आणि इतर नागरी सुविधांचे प्रश्न सुटणार आहेत.

​आमदार गणेश हुक्केरी आणि आमदार प्रकाश हुक्केरी यांच्या प्रयत्नांमुळे चिकोडी शहरातील टेकडी तकिया, मकानदार कॉलनी, गैबन प्लॉट आणि आरकाटे कॉलनीतील रस्ते विकासासाठी ५६ लाख रुपये मंजूर झाले आहेत, अशी माहिती नगरसेवक गुलाब हुसेन बागवान यांनी दिली.

​टेकडी तकियासह विविध कॉलनींमध्ये प्रकाश हुक्केरी यांनी प्रत्यक्ष भेट देऊन नागरिकांशी संवाद साधला.

यावेळी रस्ते विकासासोबतच शाहिद महल, बोअरवेल आणि भूमिगत केबल टाकण्याबाबत नागरिकांनी त्यांना निवेदन दिले. यावर सकारात्मक तोडगा काढण्याचे आश्वासन हुक्केरी यांनी दिल्याचे गुलाब हुसेन बागवान यांनी सांगितले.

​यावेळी शराफोद्दीन मकानदार, अब्दुल मकानदार, डॉ. फारूक यांच्यासह विविध पदाधिकारी आणि नागरिक मोठ्या संख्येने उपस्थित होते.