पदवीपूर्व शिक्षण मंडळाच्या वतीने १९ वर्षांखालील विद्यार्थ्यांसाठी जिल्हास्तरीय क्रीडा स्पर्धेचे आयोजन करण्यात आले होते. अंगडी पी.यू. कॉलेजने या स्पर्धेचे यशस्वी आयोजन केले, ज्यात जिल्ह्यातील विविध तालुक्यांमधून सुमारे १८० विद्यार्थ्यांनी सहभाग घेतला. या स्पर्धेतून १३ मुले आणि ११ मुलींची राज्यस्तरीय कराटे स्पर्धेसाठी निवड करण्यात आली आहे.

या स्पर्धेच्या उद्घाटन समारंभाला प्राचार्य संजीव कुमारमठ, जीतेंद्र काकतीकर, डॉ. अमित जडे, व्ही. एस. पाटील, विश्वनाथ धामणेकर आणि शारीरिक शिक्षण संचालक उपस्थित होते. बेळगाव जिल्हा कराटे संघटनेचे सरचिटणीस जीतेंद्र काकतीकर म्हणाले की, “जिल्हास्तरीय कराटे स्पर्धेत बेळगाव जिल्ह्यातून १८० विद्यार्थी आणि विद्यार्थिनींनी भाग घेतला. यापैकी १३ विद्यार्थ्यांची राज्यस्तरीय स्पर्धेसाठी निवड करण्यात आली आहे.”

अंगडी पी.यू. कॉलेजचे प्राचार्य संजीव कुमारमठ म्हणाले की, “शालेय शिक्षण विभाग आणि अंगडी प्रतिष्ठानच्या सहकार्याने जिल्हास्तरीय क्रीडा स्पर्धा २०२५ चे आयोजन करण्यात आले होते. यामध्ये कराटे, कुस्ती, बास्केटबॉल आणि बेल्ट कुस्ती यांसारख्या खेळांचा समावेश होता. बुधवारी जिल्हा क्रीडांगणात बास्केटबॉल, तर गुरुवारी अंगडी कॉलेजमध्ये कराटे स्पर्धा घेण्यात आली. या स्पर्धेतून १३ मुले आणि ११ मुलींची राज्यस्तरीय कराटे स्पर्धेसाठी निवड झाली आहे.”

यावेळी संजूकुमार आणि निशांत धामणे यांसह इतरांनी स्पर्धेच्या यशस्वीतेसाठी परिश्रम घेतले.