येत्या ६ सप्टेंबर रोजी बेळगावमध्ये होणाऱ्या गणेश विसर्जनासाठी मोठ्या संख्येने पोलीस बंदोबस्त तैनात करण्यात आला आहे. सर्व नियमांचे पालन करून विसर्जन शांततेत पार पाडावे, असे आवाहन बेळगावचे पोलीस आयुक्त भूषण बोरासे यांनी केले आहे.

आज आयोजित पत्रकार परिषदेत बोलताना ते म्हणाले की, ६ सप्टेंबर रोजीच्या गणेश विसर्जनासाठी आयजी के.एस.आर.पी. यांनी मार्गदर्शन केले आहे. या बंदोबस्तासाठी १ डीआयजी, ७ एसपी, २५ डीएसपी, ८७ इन्स्पेक्टर, २५० पीएसआय, एएसआय तसेच इतर अतिरिक्त अधिकाऱ्यांची नियुक्ती करण्यात आली आहे. विसर्जन तलावांमधील मूलभूत सुविधांची पाहणी करण्यात आली असून, खबरदारी म्हणून लाइफ जॅकेटही उपलब्ध करून देण्यात आले आहेत. शहरात १७ ठिकाणी पार्किंगची व्यवस्था करण्यात आली आहे. डीजेच्या आवाजाची डेसिबल मर्यादा ठरवून देण्यात आली आहे. तसेच, बंदोबस्तासाठी येणाऱ्या पोलिसांना आवश्यक सुविधा पुरवण्यात आल्या आहेत. बळ्ळारी येथे झालेल्या फटाक्यांच्या दुर्घटनेमुळे मिरवणुकीत फटाके फोडण्यास परवानगी नाही, असेही त्यांनी सांगितले.