बुडाने घेतलेल्या एका वादग्रस्त निर्णयामुळे दु:खी होऊन हृदयविकाराच्या झटक्याने निधन पावलेल्या जय किसान भाजी मार्केटच्या व्यापाऱ्याच्या कुटुंबीयांना १ कोटी रुपयांची मदत द्यावी आणि शेतकऱ्यांच्या हिताकडे दुर्लक्ष करणाऱ्या दोषी अधिकाऱ्यांवर कारवाई करावी, या मागणीसाठी व्यापाऱ्यांनी बुडा कार्यालयासमोर जोरदार निदर्शने केली. आज जय किसान भाजी मार्केटच्या व्यापाऱ्यांनी बुडा कार्यालयासमोर घोषणाबाजी करत निदर्शने केली आणि बुडा प्रशासनाला निवेदन दिले.

जय किसान खासगी भाजी मार्केटबाबत बुडाने घेतलेल्या चुकीच्या निर्णयामुळे इस्माईल मुजावर यांना त्रास झाला आणि याच तणावामुळे हृदयविकाराच्या झटक्याने त्यांचे निधन झाले. “हे मार्केट कायदेशीररित्या कार्यरत आहे, तरीही काही लोक विनाकारण न्यायालयात जाऊन त्रास देत आहेत. उच्च न्यायालयानेही आमच्या बाजूने निकाल दिला आहे. चुकीची माहिती देऊन गोंधळ निर्माण करणाऱ्यांवर जोपर्यंत कारवाई होत नाही, तोपर्यंत इस्माईल मुजावर यांच्या आत्म्यास शांती मिळणार नाही,” अशी मागणी मृत इस्माईल मुजावर यांचे बंधू मझहर यांनी केली.

“शेतकऱ्यांचा कोणत्याही मार्केटला बंद करण्याचा उद्देश नाही. त्यांना सर्वांची प्रगती हवी आहे. जय किसान खासगी भाजी मार्केट कायदेशीरपणे चालत आहे. व्यापारी कर्जे काढून येथे व्यवसाय करत आहेत. सरकारने शेतकऱ्यांच्या सोयीसाठी उपाययोजना कराव्यात, असे निर्णय घेऊ नयेत. बुडाच्या निर्णयामुळे दु:खी होऊन ज्या इस्माईल मुजावर यांचा हृदयविकाराच्या झटक्याने मृत्यू झाला, त्यांच्या कुटुंबीयांना १ कोटी रुपयांची मदत द्यावी,” अशी मागणी राघवेंद्र नायक यांनी केली.