धारवाड शहरातील कल्याणनगरच्या दुसऱ्या क्रॉसमध्ये घराच्या अंगणात लावलेले चंदनाचे झाड चोरट्यांनी कापून नेल्याची घटना उघडकीस आली आहे. राजू हुद्दार यांच्या घराच्या अंगणात लावलेले हे चंदनाचे झाड चोरट्यांनी रात्री २ च्या सुमारास कापले. विशेष म्हणजे, त्याआधी गस्त घालणारे पोलीस त्या भागातून गेले होते. पोलिसांनी पाहणी करून गेल्यानंतर चोरट्यांनी कंपाऊंडच्या मागे लपून हे कृत्य केले. सकाळी जेव्हा घरच्यांनी पाहिले, तेव्हा झाड कापले गेल्याचे त्यांच्या लक्षात आले.

घटनेचे सीसीटीव्ही फुटेज समोर आले असून, त्यात तीन चोरटे दिसत आहेत. तसेच, पोलीस गस्त घालून गेल्याचे दृश्यही कॅमेरात कैद झाले आहे. ही घटना उपनगर पोलीस ठाण्याच्या हद्दीत घडली आहे.