सोमनट्टी गावातील सरकारी वरिष्ठ प्राथमिक शाळेत २५.६४ लाख रुपयांच्या खर्चातून बांधण्यात येणाऱ्या अतिरिक्त वर्गखोलीच्या कामाचे गुरुवारी महिला व बालकल्याण मंत्री लक्ष्मी हेब्बाळकर यांच्या हस्ते भूमिपूजन करण्यात आले.

यावेळी बोलताना लक्ष्मी हेब्बाळकर म्हणाल्या की, मतदारसंघातील शेकडो शाळांमध्ये वर्गखोल्या आणि कंपाऊंड बांधण्यात आले आहेत. खेळण्याचे मैदान तयार करण्यात आले असून, बेंच, डेस्कसह आवश्यक साधनेही पुरवण्यात आली आहेत. मुलांच्या शिक्षणात कोणतीही कमतरता भासू नये, यासाठी सर्वतोपरी प्रयत्न केले जात आहेत. त्यामुळे पालकांनी मुलांच्या शिक्षणाला प्रथम प्राधान्य द्यावे, असे आवाहन त्यांनी केले.

यावेळी गटशिक्षणाधिकारी आर.के.आंजनेय, शंकरगौडा पाटील, शेखर होसूरा, बी.एम.बडिगेर, शिवानंद, यल्लप्पा निट्टूर, मल्लय्या पुजारी, बाळप्पा मास्तमर्डी, रामप्पा निट्टूर, होळप्पा नंदीगोळ, कल्लप्पा मास्तमर्डी यांच्यासह अनेक मान्यवर उपस्थित होते.