महापुरुषांचे सण किंवा उत्सव कोणत्याही एका जाती किंवा धर्मापुरते मर्यादित नाहीत. समाजातील सर्व जाती-धर्मांच्या लोकांनी एकत्र येऊन हे उत्सव साजरे करणे, हाच त्यांच्याप्रती खरा आदर आहे, असे केपीसीसी सदस्य मलगौडा पाटील यांनी सांगितले.

बेळगाव तालुक्यातील कडोली जिल्हा पंचायत क्षेत्रातील कुरिहाळ गावात श्री कृष्ण युवक मंडळाच्या वतीने आयोजित श्री कृष्ण जन्माष्टमी कार्यक्रमात श्रीकृष्णाच्या प्रतिमेची पूजा करून पाटील यांनी कार्यक्रमाचे उद्घाटन केले. यावेळी ते म्हणाले की, “मंत्री सतीश जारकीहोळी आणि खासदार प्रियांका जारकीहोळी यांच्या वतीने मी सर्वप्रथम श्री कृष्ण जन्माष्टमीच्या शुभेच्छा देतो. छत्रपती शिवाजी महाराज, श्रीकृष्ण, वाल्मीकी, जगद्ज्योती बसवेश्वर यांच्यासह समाजाने एकत्र राहावे असा संदेश देणाऱ्या सर्व महापुरुषांचे उत्सव कोणत्याही एका जाती किंवा धर्मापुरते मर्यादित नाहीत. समाजातील सर्व जाती-धर्मांच्या लोकांनी एकत्र येऊन हे सण साजरे करणे, हाच त्यांच्याप्रती खरा आदर आहे.”

कुरिहाळ ग्रामस्थांच्या वतीने आणि श्री कृष्ण युवक मंडळाकडून केपीसीसी सदस्य तथा मंत्रींचे निकटवर्तीय मलगौडा पाटील यांचा सत्कार करण्यात आला. यावेळी ग्रामपंचायत अध्यक्ष, उपाध्यक्ष, सदस्य, श्री कृष्ण मंडळाचे पदाधिकारी आणि ग्रामस्थ मोठ्या संख्येने उपस्थित होते.