२२ जुलैपासून सुरू होणाऱ्या वडगाव येथील श्री मंगाई यात्रेच्या पार्श्वभूमीवर, काल रात्री शहर पोलीस आयुक्त भूषण बोरसे यांनी घटनास्थळी भेट देऊन पाहणी केली.

बेळगाव येथील मोठ्या यात्रांपैकी एक असलेली वडगावची श्री मंगाई यात्रा २२ जुलैपासून १० दिवस चालणार आहे. या अनुषंगाने, भाविकांना सुलभपणे देवाचे दर्शन घेता यावे आणि गर्दीवर नियंत्रण ठेवण्यासाठी केलेल्या उपाययोजनांची त्यांनी पाहणी केली, तसेच आवश्यक सूचना व मार्गदर्शन केले.

शहापूर विभागात ‘घरोघरी पोलीस’ उपक्रमाच्या उद्घाटनावेळीही वडगाव येथील श्री मंगाई देवी यात्रेबद्दल चर्चा झाली होती. त्यामुळे पोलीस आयुक्तांनी तात्काळ सक्रियता दाखवल्याबद्दल त्यांचे कौतुक होत आहे.