जगद्गुरू श्रीमन्मध्वाचार्य मूळ संस्थान श्री कुडली आर्य अक्षोभ्यतीर्थ मठाचे श्री १००८ रघुविजयेन्द्र श्रीपादंगलांचा २३ वा चातुर्मास २० जुलै रोजी बेळगावातील राणी चन्नम्मा नगरात आयोजित करण्यात आला आहे, अशी माहिती धिरेंद्र आचार्य कट्टी यांनी दिली.

गुरुवारी बेळगाव येथे आयोजित पत्रकार परिषदेत ते बोलत होते. चातुर्मासाच्या ५० दिवसांच्या कार्यक्रमात भाष्यपाठ, भक्तांकडून पादपूजा आणि वैकुंठ देव पारायण केले जाईल. चातुर्मासासाठी येणाऱ्या भक्तांसाठी महाप्रसादाचे आयोजन करण्यात आले आहे, असेही त्यांनी सांगितले.

दररोज प्रवचन संपल्यानंतर भक्तांच्या घरी पाळणा कार्यक्रम आयोजित केला असल्यास, दररोज गुरुजी त्यांच्या घरी जाऊन पूजेमध्ये सहभागी होतील, असेही ते म्हणाले.

२० जुलैपासून श्री गुरुजींचा चातुर्मास सुरू होईल. १९ जुलै रोजी शहरात गुरुजींची मिरवणूक काढण्यात येणार आहे. पंडित आशीर्वाद देतील. येथे आलेल्या भक्तांसाठीही प्रसादाची व्यवस्था करण्यात आली आहे. समाजातील भाविकांनी याचा लाभ घ्यावा, असे आवाहन त्यांनी केले.

यावेळी राघवेंद्र कुलकर्णी, नगरसेवक जयतीर्थ सवदत्ती आदी उपस्थित होते.